စေတန်ဝါဒဆိုတာဘာလဲ

(​စေတန်ဝါဒဆိုတာဘာလဲ)

စေတန်ဆိုရင် တော်တော်များများစိတ်ထဲမှာ နတ်ဆိုးတွေ သရဲတွေ စတဲ့ ပုံရိပ်တွေနဲ့ ပုံဖော်လိုက်ကြတာများတယ်။ တကယ့် စေတန် အယူဝါဒက radical anti-theist လို့ ပြော ရမယ်ထင်တယ်ဗျ။

ခေတ်သစ် စေတန်ဝါဒသစ်ရဲ့ ကနဦး ခြေလှမ်းက ၁၉၆၀ ဝန်းကျင်မှာ စတင်ခဲ့ပါတယ်။ ရည်ရွယ်ချက်ကတော့ ဖန်ဆင်းရှင် ကို တော်လှန်ဖို့ ဖြစ်ပြီး ကမ္ဘာ့ ပထမဆုံး စေတန် ဘုရားကျောင်းက ၁၉၆၀ နှောင်းပိုင်းရောက်မှ စတင် ရုပ်လုံး ပေါ်လာခဲ့ပါတယ်။

တည်ထောင်ခဲ့သူ ကတော့ Anton S. Lavey ဆိုသူ ဖြစ်ပြီး သူပြုစုခဲ့တဲ့ Satanic Bible ထဲမှာ တကယ့် စေတန် အနှစ်သာရ စစ်စစ် အတွေးအခေါ် များစွာ ပါဝင်လျက်ရှိပါတယ်။

ဒီကျမ်းထဲမှာ နာမည်ကြီး လူသိ များ တဲ့ (9) Satanic Statements (သို့မဟုတ်) စေတန်ဝါဒီတို့ အကြောင်း (၉) ချက် ကို အခုလို ရေးထားပါတယ်။

(၁) စေတန်သည် လောကဓံကို ခံယူရာတွင် ဘယ်တော့မှ အားတင်းကာ မတောင့်ခံထားတတ်။ ကောင်းစွာသာ ခံယူသည်။

(၂) စေတန်သည် နောက်ဘဝ ဝိညာဉ်ကို ရှုံ့ချသည်။ အထင်အရှား အသိအမြင် တို့ကိုသာ မှီခိုသည်။

(၃) စေတန်သည် မိမိကိုယ်ကို ဘယ်တော့မှ မလိမ်။ ရိုးသား သန့်ရှင်းသော အသိပညာကိုသာ ထုတ်ဖော်လေ့ရှိသည်။

(၄) စေတန်သည် သစ္စာမဲ့သူတို့ကို မုန်းသည်။ ထိုက်တန်သူတို့ အားလုံးကိုမူ အကြွင်းမဲ့ချစ်သည်။

(၅) စေတန်သည် ဘယ်တော့မှ အကောက်မကြံတတ်။ သို့သော် ပြင်းထန်စွာ ဂလဲ့စားချေတတ်သည်။

(၆) စေတန်သည် မြှောက်ပင့်ပြောဆိုပေါင်းသင်းတတ်သူတို့ကို ခါချ တတ်သည်။ တာဝန်ကျေရမည့်သူတို့ အားလုံးကိုမူ အဆုံးစွန် တာဝန်ယူသည်။

(၇) စေတန်သည် လူကို ရံဖန်ရံခါလိမ္မာ၍ မကြာမကြာ အသိစိတ် ကင်းမဲ့တတ်သော သတ္တဝါတစ်မျိုး ဟုသာမြင်သည်။

(၈) စေတန်သည် အမှားတို့ကို ကိုယ်ပိုင်းဆိုင်ရာ စိတ်ပိုင်းဆိုင်ရာ ခံစားမှု ရင့်ကျက် လာစေ ခြင်းကြောင့် မညည်းမငြူ လက်ခံ ယူသည်။

(၉) စေတန်သည် ဘုရားကျောင်းများကို မမုန်း။ ထိုနေရာ၌ ပို့ချသည် တို့ကိုသာ မုန်းသည်။
Credit to Original

“ညီမလေး……သို့”

“ညီမလေး……သို့”

(၁)
သတိထား ညီမလေး
အရေခွံဘယ်လောက်လဲလဲ
မြွေဆိုတာ တီဖြစ်မသွားဘူး
ပြောင်းလဲတဲ့လောကကြီးမှာ လိုက်ဖက်ညီအောင်
အရောင်ပြောင်းနေရင် ပုတ်သင်ညိုသာသာဖြစ်တော့မပေါ့
ပတ္တမြားမှန်တယ်ဆိုတိုင်း နွံထဲဝင်မှိုင်ပြစရာလားကွယ်
ခြေဆေးမခံရအောင် အိုင်ထဲထိုင်မယ့်အစား
ရေသန့်လို့တံဆိပ်ကပ်နိုင်ရင် တန်ဘိုးတက်လာပါလိမ့်မယ်
အိမ်နဲ့ဝေးတိုင်းလဲ….အားမငယ်စိတ်မပျက်နဲ့
အမောပြေရေတစ်ခွက် အိမ်ပြေးလေးအတွက်တဲ့
အမေ နေ့တိုင်းခပ်ထားတယ်။

(၂)
မမှားဘူး ညီမလေး
စဉ်းစားရတယ်ဆိုတာ
မိန်းကလေးတိုင်းရဲ့ သမိုင်းပေးတာဝန်
အရိုးဆို ကြည့်ရှောင်ရမယ်လေ
ကိုယ်က ခဏတာဝါးမယ့်သွားမဟုတ်ဘူး
စကားခလုတ်တွေ ဘယ်လောက်တိုက်တိုက်
ကိုယ့်ကိုယ်ကို မထိခိုက်ဖို့က ပိုအရေးကြီးတယ်
တကယ်တော့ ဟင်းကြေးများတယ်ဆိုတာ
အစားကောင်းစားရတဲ့သူတွေကို သမုတ်တဲ့ အမည်သက်သက်ပါ။

(၃)
ချစ်တာတော့ ချစ်ပါ ညီမလေး
ပြန်ပြင်လို့မရတဲ့ အခွင့်အရေးတော့ မပေးမိပါစေနဲ့
ဘဝနဲ့ရင်းတဲ့လက်ရေးအတွက် ဖျက်ဆေးမရှိဘူး
ဘဝရဲ့အစိတ်အပိုင်းလေးတစ်ခုအတွက် စိတ်ရိုင်းမမွေးမိပါစေနဲ့
မှတ်ပုံတင်ထဲပြန်ကြည့်ပါ ညီမလေး
ကိုးကွယ်စရာမှာ အချစ် မဟုတ်ဘူးလေ။

(၄)
ညီမလေးရေ….
ချစ်ဦးသူနဲ့ ရတယ်ဆိုတာ
တို့အိမ်ဘေးက နှင်းဆီလောက်သာရှိပြီး
အချစ်ဦးနဲ့ လွဲဖူးသူဟာ
အိမ်ရှေ.က ခရပွင့်တွေကြွေသလောက်ရှိတယ်
အသဲကွဲတယ်ဆိုပြီး ဘီယာသောက်
လောကကြီးကို မှောက်ပစ်တတ်တာ
ပညာမဲ့သူတွေ သက်သက်ပေးတဲ့ဆင်ခြေတစ်ခုပါ
မုန်တိုင်းထဲမှာလဲ အောက်ဆီဂျင်ပါပါတယ်
လေနည်းတယ်အထင်နဲ့ ရွက်ကိုတော့ပြင်းပြင်းမလွင့်လိုက်ပါနဲ့
တည်ငြိမ်ခြင်းဆိုတာ မိန်းကလေးအိနြေ္ဒလေ
တန်ဘိုးသိတဲ့သူက တန်ဘိုးထားလာပါလိမ့်မယ်
ကိုယ်ကသာ ရတနာတစ်ပါးဖြစ်ပါစေ ညီမလေးရေ…..

(၅)
ညီမလေးရေ….
ယောက်ျားဆိုတာ
ဧကရာဇ်ဘုရင်ပဲဖြစ်ဖြစ်
နန်းကျဘုရင်ပဲဖြစ်ဖြစ်
မြှောက်စားတာ ခံချင်ကြတယ်
ကျားကြီးရဲ့ဆရာဖြစ်ဖို့ဆိုတာ
ကြောင်တစ်ကောင်လို ညင်သာတတ်မှဖြစ်မယ်
ကမ္ဘာကျော်တဲ့ စစ်သူရဲတစ်ယောက်တောင်
အပြောချိုတဲ့ အအိုချောကြောင့်
ကမ္ဘာတစ်ဝက်ကို တက်သိမ်းဖူးတယ်လေ
လေယူရာတိမ်းတတ်တဲ့ ပန်းပင်ဟာ
ဘယ်လေကြမ်းကြောင့်မှ အမြစ်မကျိုးဘူး
ပုခက်လွဲသောလက်ဟာ ကမ္ဘာကို အုပ်စိုးနိုင်တယ်ဆိုတဲ့နောက်မှာ
ချိုသော စကားပြောတတ်တဲ့ နှုတ်ခမ်းတစ်စုံလိုတယ် ညီမလေး..။

(၆)
ညီမလေးရေ….
ရင်ဘောင်တန်းတယ်ဆိုတိုင်း
ခြေရာတော့ လိုက်မတိုင်းလေနဲ့
ကြောင်ဘယ်လောက်ခြေရာကြီးကြီး
ကျားကြီးကိုတော့ ဘယ်မှီမလဲ
အသားစားသတ္တဝါချင်းတူပေမယ့်
စကားအဆိုသာ ကြောင်က ဆရာဖြစ်တာ
ကျားဆိုတာ ကြောင်သားလဲ စားချင်စားမှာလေ
သဘာဝဘေးဆိုတာ သဘာဝတွေ ဆန့်ကျင့်လို့ဖြစ်ရတာ
နစ်နာခြင်းမရှိရအောင် ဘောင်အတွင်းကသာ မိန်းမဆန်ပါ ညီမလေးရေ…..။

(၇)
ညီမလေးရေ…
သစ္စာမှန်ရင် နွယ်မြက်သစ်ပင် ဆေးဖက်ဝင်တယ်တဲ့
ခုခေတ်မှာတော့ နွယ်မြက်သစ်ပင်ဟာ အရက်ချက်ရင်သုံးနေကြပြီ
ချစ်သူကို လွမ်းကြောင်းစာဖွဲ့ကောင်းတဲ့
နတ်သျှင်နောင်ရဲ့ဖောက်ပြားမှု ဖွက်ထားတဲ့ သမိုင်းကြားမှာရှိသေးတယ်
တို့ချစ်လှပါတယ်ဆိုတဲ့ ဧရာဝတီတောင် တချိန်တခါက သစ္စာဖောက်ခဲ့ဖူးတယ်
စာများများဖတ်ပြီး ဝေဖန်ဆုံးဖြတ်နိုင်ပါစေ ညီမလေး
ဘုရားဟောတဲ့ သစ္စာလေးချက်တောင်
တို့ပုထုဇဉ်လောကမှာ ဒုက္ခသစ္စာနဲ့ သမုဒယသစ္စာပဲ စွဲမြဲနေတယ်လေ
အမှားတစ်ရန်ကို တစ်ဘက်စီယူပြီး အမှန်တရားလုပ်နေတဲ့လောကမှာ
သစ္စာဆိုတာ ပန်းနာမည်သက်သက်ဖြစ်နေပြီ ညီမလေးရေ..။

(၈)
ညီမလေးရေ…..
အယ်ဒီဆင်ရဲ့၉၉ခေါက်သော ကျရှုံးခန်း
ဘယ်စာတမ်းမှာမှ မပါဘူး
ရိုက်ညီနောင်ရဲ့လေယာဉ်ပျက်ကျခန်း
ဘယ်စာတမ်းမှာမှ မပါဘူး
ဘုန်းရောင်ဖွဲ့တွေနဲ့ ယဉ်ပါးလာတဲ့ စာပေလောကမှာ
ချီးတုံးကို တန်ဆာဆင်သလိုဖြစ်လို့
ကျရှုံးခန်းဆိုတာ ရောင်းတန်းမဝင်ဘူးလေ
ဖတ်ပါ မှတ်ပါ လေ့လာပါ
အစွန်းတဘဘက်တော့ မရောက်စေနဲ့
စာပေဆိုတာ လူဘဝအတွက် အလင်းစက်တစ်ခုပေါ့
ဒါပေမယ့် အသုံးမတတ်ရင် မီးခွက်ဟာ
မြို.ပျက်သွားစေနိုင်တယ် ညီမလေး။

(၉)
ညီမလေးရေ…….
မြို့ကြီးပြကြီးမှာ အသက်မွေးမယ်ဆိုရင်
ပွင့်လင်းရိုးသားတယ်ဆိုတာ
တို့ဘိုးဘွားတွေရဲ့ ရိုးရာပုံပြင်ထဲမှာ ချန်ခဲ့တော့
ဖြောင့်မတ်ခြင်းကို ဂွကျတယ်လို့ဆိုသူတွေက
ကောက်တဲ့လက် ဆန်ပိုရသတဲ့လေ
မျှတခြင်းတွေက ဟာသဆန်သွားပြီ
မြို့ပြအမှန်တရားက သာသူစားစတမ်းတဲ့
သတိထား ညီမလေးရေ
ခုခေတ်က လှည်းလမ်းလည်း ကားမောင်းချင်မောင်းတယ်
ကားလမ်းပေါ်လည်း လှည်းမောင်းချင်မောင်းတယ်
မူဆိုတာ ခင်မင်သူတွေအတွက် ပြောင်းလဲလို့ရတဲ့ခေတ်
တို့သိတဲ့ ကိုယ်ကျင့်တရားတွေ အတော်ခေါင်းပါးမှဖြစ်မယ်
ရေမကြည်၊မြက်မနုတော့တဲ့ အဲ့ဒီမြို့ပြသွားမယ်ဆို
ခဏခဏ မငိုမိအောင် ဟန်ဆောင်ပြုံးတွေ အလုံးအရင်းသာယူသွား ညီမလေး။

(၁၀)
သစ်ရွက်တွေကြွေရုံနဲ့တော့
သစ်ပင်ကြီးမသေပါဘူး
ကြယ်လေးတွေကြွေရုံနဲ့လည်း
ကောင်းကင်ကြီးမသေပါဘူး
ညီမလေးရေ.....
ပန်းပုတစ်ရုပ်လှဖို့ဆိုတာ
ထွင်းထုတ်လိုက်ရတဲ့ အသားတွေရှိတတ်မြဲလေ
လဲလို့သာ ပြန်မထကြရင်
လူဆိုတာ တွားသွားသတ္တဝါဖြစ်တော့မပေါ့
အားမလျော့ပါနဲ့...သွားတဲ့သူအတွက် လမ်းရှိပါတယ်
ညဘယ်လောက်နက်နက် မနက်ဆိုနေထွက်မှာမို့
မနက်ဖြန်အတွက် နိူးစက်ကို အချက်ပေးထားပါ
အတိတ်ဆိုတာ ချခင်းထားတဲ့ကော်ဇောတစ်ချပ်သာသာမို့
ခပ်နာနာတစ်ချက်နင်းပြီး အနာဂတ်ကို စိတ်နဲ့ပစ်ခွင်းလိုက်ပါ
ကောင်းသော မနက်ခင်းဖြစ်ပါစေ

(၁၁)
ညီမလေးရေ…..
ရူးရင်လဲ ထမင်းလွတ်အောင်ရူး
ဒါမှ အချိန်တန်ရင်ထူးမှာ
အကို့လိုတော့ ဟိုမရောက်ဒီမရောက်နဲ့
လမ်းမပျောက်စေနဲ့
ငယ်ငယ်က တို့တွေ ပန်းကောက်သလိုပေါ့
ခရေသီမလား စံပါယ်သီမလား
တစ်မျိုးချင်းသီမှ ရောင်းပန်းမည်တယ်လေ
လွယ်လွယ်နဲ့တော့ စံပါယ်မပွင့်ဘူး
အချိန်တစ်ခုတော့ ရင်းရမှာပေါ့
မဟုတ်ရင် ကိုးမရှိတဲ့ နဝင်းလို အချင်းဘယ်လှပါ့မလဲ

(၁၂)
ညီမလေးရေ….
လက်နှစ်ချောင်းထောင်ပြီး ဓါတ်ပုံရိုက်တင်တော့
ရုပ်လေးလှတာ လူမြင်တာပေါ့
ဖြူစင်တဲ့စိတ်ထားလေးလည်းမွေးပါ
ပြန်တွေးတိုင်း လက်မထောင်နိုင်တဲ့ အတိတ်ရှိအောင်ပေါ့
နိမိတ်၊တဘောင်ဆိုတာတွေ သိပ်မယုံနဲ့
ကြုံသမျှ ဒုက္ခမှာ အကြောင်းရှိတယ်
ယတြာကောင်းစရာမလိုပါဘူး
တရားဓမ္မတွေသာ ရင်ထဲကိန်းအောင်းနေပါစေ ညီမလေးရေ…။

Credit to
PK(ကျောင်းစောင့်ကြီး)

ဆိုင်းငံ့​ကော်​ဖီ

“ အချိန်ပေးပြီးဖတ်ကြည့်စေချင်ပါတယ် ”

ကျွန်တော်တို့သူငယ်ချင်းနှစ်ယောက်ကော်ဖီဆိုင်တစ်ခုထဲ ကိုဝင်ပြီးကော်ဖီနှစ်ခွက် မှာတယ်..ပြီးတော့ မလှမ်းမကမ်းမှာရှိ တဲ့စားပွဲမှာထိုင်ဖို့လျှောက်သွားလိုက်တယ်...

စားပွဲမှာနေရာယူဖို့ပြင်ဆင်နေတုန်းပဲ ဆိုင်ထဲကို ရုပ်ရည်သန့်သန့်ပြန့်ပြန့်နဲ့ နှစ်ယောက်ဝင်လာပြီး ကော်ဖီမှာပါတယ်...

မှာပုံက ကော်ဖီငါးခွက် ၂ခွက် ကကျွန်တော်တို့သောက်ဖို့ သုံးခွက်ကိုတော့ suspended(ဆိုင်းငံ့)ထားပေးပါ..

ကျွန်တော်လည်းမှာထားတဲ့ကော်ဖီမလာသေးတာကတစ်ကြောင်း ကျွန်တော့်ရှေ့တည့်တည့်မှာရောက် နေတာတစ်ကြောင်းကြောင့် ဆက်ကြည့်နေမိတယ်.. သူတို့ ကော်ဖီငါးခွက်ဖိုးရှင်းတယ်...

ပြီးတော့ ကော်ဖီနှစ်ခွက်ယူပြီး ပြန်ထွက်သွားတယ်..

ကျွန်တော့် သူငယ်ချင်း ကိုမေးမိတယ်..အဲ့ဒီ Suspended(ဆိုင်းငံ့) ထားတဲ့ကော်ဖီတွေက ဘာလုပ် တာလဲဆိုတော့... သူကလည်း ငါ့သူငယ်ချင်းမင်းဆက်စောင့်ကြည့်ကွာ တွေ့လိမ့်မယ်လို့ပြောတော့ ကျွန်တော်လည်း ဘာမှဆက် မမေးမိဘဲ ရောက်လာတဲ့ကော်ဖီကို သောက်နေလိုက်တယ်...

စိတ်ထဲမှာတော့ ဘာပါလိမ့်ဆိုတာ ကို စဉ်းစားနေမိတယ်... နောက်တော့ မိန်းကလေးနှစ်ယောက်ရောက်လာတယ်..ကော်ဖီနှစ်ခွက် မှာတယ်..ပိုက်ဆံရှင်းပြီးပြန်ထွက်သွားတယ်..

နောက်တစ်ခါ ရှေ့နေသုံးယောက်ရောက်လာတယ် ... ကော်ဖီ(၇)ခွက်မှာတယ်..၃ခွက်က ငါတို့အတွက် ကျန်တဲ့လေးခွက်က suspended(ဆိုင်းငံ့) လို့ပြောပြီး ပိုက်ဆံရှင်းတယ်... ကျွန်တော် တော်တော်လေးကိုစိတ်ဝင်စားမိနေပြီ...

ဒီ suspended (ဆိုင်းငံ့)ကော်ဖီဆိုတာဘာလဲ???

အတွေးတွေများရင် ဆိုင်ရှေ့က ရှုခင်းအလှအပလေးတွေနဲ့ ဖြတ်လျှောက် သွားတဲ့လူတွေကို ကြည့်နေမိတယ်...

အဲ့ဒီအချိန်မှာပဲ အ၀တ်အစားနွမ်းနွမ်းပါးပါးနဲ့ သူတောင်းစားပုံစံလူတစ်ယောက် ဆိုင်ထဲဝင်လာတယ်...

မ၀ံ့မရဲနဲ့ counter နားကပ်သွားပြီး Suspended Coffee(ဆိုင်းငံ့) ကော်ဖီလေးများ ရှိသလားဗျာ.. တဲ့...

ကျွန်တော်ကောင်းကောင်း သဘောပေါက်သွား တယ်...

ဆိုင်ရှင်က ပြုံးပြပြီး ကော်ဖီတစ်ခွက်ပေးလိုက်တယ်...

ဆိုင်လေးရဲ့ ချောင်ကျကျတစ်နေရာမှာ အဲ့ဒီပုဂ္ဂိုလ်ကော်ဖီ ထိုင်သောက်နေလေရဲ့....

ကျွန်တော် အားလုံးကိုရှင်းသွားပါပြီ..

လူတွေက သူတို့ စား သောက်ဖို့အပြင် နွမ်းပါးတဲ့သူတွေနဲ့ မတတ်နိုင်တဲ့သူတွေအတွက် coffee နဲ့ စားစရာသောက် စရာတွေကို Suspended (ဆိုင်းငံ့)အဖြစ် ငွေကြိုရှင်းခဲ့ကြတာပါ...

ဒီရိုးရာဓလေ့ဟာ အီတလီနိုင်ငံ (Naples City)ကနေစခဲ့တာဖြစ်ပြီးတော့ အခုတော့ နိုင်ငံတော်တော်များများကိုပြန့် နှံ့လို့ နေပါပြီ..

တစ်ချို့နေရာတွေမှာဆိုရင် ကော်ဖီတင်မကပဲ Sandwich ဒါမှမဟုတ် စားစရာတွေတောင် Suspended အနေနဲ့ရှိနေပါပြီ...

ကျွန်တော်ဒီစာလေးကိုဖတ်မိတဲ့အချိန်တုန်းက မျက်ရည်တောင်လည်မိတယ်.. သူတို့ရဲ့ လူသားချင်းစာ နာမှု..ကြင်နာမှု၊နွေးထွေးမှု မေတ္တာဓာတ်တွေကို ကျွန်တော့်စိတ်ကို လှုပ်ခတ်စေလို့ ကျွန်တော် ဘာသာပြန်ပြီး တင်ပေးလိုက်ပါတယ်..

ကျွန်တော်တို့ဗုဒ္ဒဘာသာ မြန်မာနိုင်ငံမှာလဲ ဒီလို ချစ်စရာကောင်းတဲ့ အလေ့အထလေးတွေရှိရင်အရမ်းကောင်းမှာပဲလို့ကျွန်တော်တွေးမိတယ်...

ညှိုးနွမ်းနေတဲ့မျက်နှာ တွေနဲ့ ကလေးငယ်တွေ..
သက်ကြီးရွယ်အိုတွေ ညီငယ်ညီမငယ် အဖေအိုအမေအိုကြီးတွေ
လမ်းဘေးမှာ အော်ဟစ် ညည်းညူတောင်းခံနေမယ့်အစား ထမင်းဆိုင်တစ်ဆိုင်သွားပြီး ငွေကြိုရှင်းထားတဲ့ ထမင်း တစ်ထုတ်လောက်ရှိ မလားဆိုပြီး တောင်းခံ ရတာ ပိုပြီးသိက္ခာရှိမယ်ထင်တယ်...

ပြောနေတာကြာတယ်.. လက်ထဲမှာ ပိုက်ဆံ၃၀၀-၄၀၀ လောက်ပိုနေလို့ ထမင်းတစ်ထုတ်နဲ့ အရွက်ကြော်သို့ ကြက်ဥကြော်လောက်နဲ့ ငွေကြိုရှင်းထားရင်း ဗိုက်ဆာနေတဲ့ ညီငယ်ညီမငယ်တွေနဲ့ သက်ကြီးရွယ်အိုတွေကို ကြင်နာမှုနဲ့ နွေးထွေးမှုနဲ့ ကုသိုလ်ယူတဲ့ အလေ့အထလေးတွေ စတင်လိုက်ကြရအောင်ဗျာ...

ထမင်းဆိုင်၊လက်ဖက်ရည်ဆိုင်ပိုင်ရှင်တွေ တစ်ခြား မုန့်နဲ့စားသောက် စရာပိုင်ရှင်တွေ ကလည်း ဒီကုသိုလ်ရတဲ့ ဓလေ့... အလေ့အထလေး မြန်မာနိုင်ငံမှာဖြစ်မြောက်သွားအောင် တောင်းတဲ့သူတွေ များရှိခဲ့ရင် မျက်နှာမရှုံ့ဘဲ ကြင်နာတဲ့အကြည့်နဲ့ ၀န်ဆောင်မှုပေးနိုင်ကြပါစေလို့ ကျွန်တော် တောင်းဆိုပါတယ်...

ဒီ Post လေးကို Like လုပ်ပါ..Share ပါ... ဒီ အလေ့အထလေးကို မြန်မာနိုင်ငံ မှာဖြစ်မြောက်လာအောင် တစ်ယောက် တစ်အား ၂၀၀-၃၀၀ ကစလို့ ၀ိုင်းဝန်း ကူညီကြပါလို့ပြောချင်ပါတယ်...

Credit to Original

လိပ်​သုံး​ကောင်​

" လိပ် သုံး ကောင် "

တစ် ခါ က လိပ် သုံး ကောင် ဟာ ပျော် ပွဲ စား ထွက် ပြီး အ နား ယူ မယ် လို့ တိုင် ပင် ကာ ပင် လယ် ကမ်း စပ် တစ် ခု ကို ထွက် ခွာ လာ ခဲ့ ကြ ပါ တယ် ။

အဲ့ ဒီ ကမ်း စပ် ကို ရောက် ပြီး စား စ ရာ တွေ ဖွင့် စား မယ် လုပ် တော့ မှ ဆော် ဒါ ပု လင်း ပါ မ လာ တာ ကို သိ လိုက် ကြ တယ် ။ ဒါ နဲ့ အ ငယ် ဆုံး လိပ် ကို အိမ် ပြန် ယူ ခိုင်း ဖို့ သ ဘော တူ ဆုံ ဖြတ် လိုက် ကြ ပါ တယ် ။

အဲ့ ဒီ အ ခါ အ ငယ် ဆုံး လိပ် က လေး က သွား မ ယူ ခင် ကျန် ခဲ့ တဲ့ လိပ် နှစ် ကောင် ကို က တိ တစ် ခု တောင်း တယ် ။ အဲ့ ဒီ က တိ က သူ ပြန် မ ရောက် ခင် စား စ ရာ အ စား အ သောက် တွေ ကို စား မ ထား ရ ဘူး လို က တိ ပေး ခိုင်း တာ ပါ ။

ကျန် ခဲ့ တဲ့ လိပ် အ ကြီး နှစ် ကောင် က လည်း အဲ့ ဒီ က တိ ကို ပေး ကြ ပါ တယ် ။ ဒါ နဲ့ ပဲ အ ငယ် ဆုံး လိပ် က ကျန် ခဲ့ တဲ့ ဆော် ဒါ ပု လင်း ကို ပြန် ယူ ဖို့ ထွက် သွား ခဲ့ တယ် ။

တစ် ပတ် လောက် ကြာ တဲ့ အ ထိ လိပ် အ ငယ် လေး က ပြန် ရောက် မ လာ ဘူး ။ ဒါ နဲ့ ထပ် စောင့် နေ တာ တစ် လ ကြာ သွား ပါ တယ် ။ ဒါ လည်း ဆော် ဒါ ပု လင်း ပြန် ယူ တဲ့ လိပ် က ပြန် မ လာ သေး ပါ ဘူး ။ အဲ့ လို နဲ့ ပြန် လာ နိုး နိုး နဲ့ စောင့် နေ လိုက် တာ သုံး နှစ် ကြာ သွား တယ် ။ လိပ် ငယ် လေး ပြန် မ ရောက် လာ ခဲ့ ဘူး ။

အဲ့ ဒီ တော့ ကျန် နေ တဲ့ လိပ် နှစ် ကောင် က အ ချင်း ချင်း တိုင် ပင် ပြီး  " ဒီ ပုံ စံ အ တိုင်း ဆို ရင် တော့ လိပ် အ ငယ် လေး တစ် ခု ခု ဖြစ် လို့ ပြန် မ လာ နိုင် တော့ ဘူး ထင် တယ် ။ အ စား အ သောက် တွေ ကို ငါ တို့ ပဲ စား လိုက် ကြ ရ အောင် "  လို့ ပြော လိုက် တယ် ။

ဒီ အ ချိန် မှာ ပဲ ရုတ် တ ရက် အ နား မှာ ရှိ တဲ့ ကျောက် တုံး ကြီး ရဲ့ နောက် ကွယ် က နေ လိပ် အ ငယ် လေး က ပြေး ထွက် လာ ပြီး  " ခင် ဗျား တို့ အဲ့ လို က တိ မ တည် ရင် ကျွန် တော် သွား မ ယူ တော့ ဘူး "  လို့ အော် ပြော လိုက် ပါ တယ် ။

ကျွန် တော် တို့ တွေ လိပ် အ ငယ် လေး လို ဖြစ် နေ ကြ တဲ့ သူ တွေ ကို တွေ့ ဖူး ကြ ပါ လိမ့် မယ် ။

ကိုယ် လုပ် ရ မယ့် ကိ စ္စ ကို ရိုး ရိုး သား သား တွေး ပြီး  ပြီး စီး အောင် လုပ် ရ မယ့် နေ ရာ မှာ သူ များ ကို စိတ် မ ချ လို့ ဆို ပြီး လုပ် စ ရာ ရှိ တာ ကို ဖြောင့် ဖြောင့် မ လုပ် ပဲ မ ယုံ သ င်္ကာ နဲ့ ဖြစ် နေ ကြ တော့ ပြီး ရ မယ့် ကိ စ္စ မ ပြီး ၊ ဖြစ် ရ မယ့် ကိ စ္စ မ ဖြစ် နဲ့ ရင် ဆိုင် နေ ကြ တတ် ရ ပါ တယ် ။

လိပ် အ ငယ် လေး ဟာ သံ သ ယ လို တာ ထက် ပို ဖြစ် နေ တယ် ။ အဲ့ လို ဖြစ် ရ တာ လိပ် အ ငယ် လေး ရဲ့ စိတ် ၊ စာ ရိ တ္တ ၊ ပ ညာ နဲ့ ဆိုင် ပါ တယ် ။

လူ တွေ ရဲ့ စိတ် ထဲ မှာ ရှိ တတ် တဲ့ စိတ် တစ် ခု က  " ငါ ဆို လုပ် မှာ ဒါ ကြောင့် သူ လည်း လုပ် မှာ ပဲ "  ဆို တဲ့ ကိုယ့် စိတ် နဲ့ နှိုင်း ယှဉ် ပြီး တွေး တတ် ကြ တယ် ။

ဥ ပ မာ ဘု ရား အ လောင်း ရ သေ့ သု မေ ဓာ ဘ ဝ မှာ တုန်း က မိ မိ ပိုင် ဥ စ္စာ ဣ ဋေ ရှစ် ဆယ် လုံး ကို ဘ ဏ္ဏာ တိုက် ဖွင့် ပြီး အ ယုတ် အ လတ် အ မြတ် မ ရွေး ယူ စေ ဖို့ ပေး လှု ခဲ့ တယ် ဆို တာ ကို မြတ် စွာ ဘု ရား ရဲ့ ပါ ရ မီ လမ်း စဉ် မ သိ တဲ့ လူ မျိုး တွေ မ ယုံ ခဲ့ ကြ ဘူး ။ ဒီ လို မျိုး ဘယ် သူ လုပ် မှာ လဲ လို့ စော ဒ က တက် ခဲ့ ကြ တယ် ။

ဘာ လို့ ဒီ လို စော ဒ က တက် ကြ တာ လဲ ဆို ရင် အဲ့ ဒီ လို စိတ် မျိုး ကိုယ့် မှာ မ ရှိ လို့ တစ် ခြား သူ မှာ လည်း မ ရှိ နိုင် ဘူး လို့ ယူ ဆ ကြ လို့ ပါ ပဲ ။

သာ မာန် လူ ပု ဂ္ဂိုလ် တွေ က သူ့ စိတ် အ ဆင့် အ တန်း ရှိ သ လောက် ပဲ တစ် ခြား သူ ကို ဆက် ဆံ တတ် ပါ တယ် ။

တစ် ခါ ရှေး အ ရင် မြန် မာ နိုင် ငံ မှာ ဆ ရာ ကြီး ဂို အင် ကာ ရဲ့ အ ဖိုး လို့ ဆို တဲ့ လူ မျိုး ခြား ကုန် သည် ကြီး တစ် ယောက် ဟာ ဇ ရပ် ပေါ် မှာ ကုန် ကူး သန်း ပြီး ရ ရှိ လာ တဲ့ အ မြတ် ငွေ ထုတ် ကျန် ခဲ့ ဖူး တယ် ။ နောက် နေ့ ခ ရီး ပြန် ထွက် လို့ အ ချိန် တော် တော် ကြာ မှ မှတ် မိ လို့ စိတ် ပူ ပြီး ပြန် ယူ မယ် လို့ သူ့ အ ဖွဲ့ တွေ ကို ပြော တော့ သူ့ အ ဖွဲ့ ထဲ က တစ် ယောက် မှ တုန် လှုတ် ဟန် မ ပြ ကြ ပဲ ဆ ရာ ကြီး ငွေ ထုတ် အ ပြန် ကျ မှ ယူ ပါ မ ပျောက် ပါ ဘူး လို့ ဝိုင်း ပြော ကြ တယ် ။

ကုန် သည် ကြီး က သူ့ အ ဖွဲ့ ကို ဘယ် လို မှ ပြော မ ရ တဲ့ အ ဆုံး စိတ် လျော့ ပြီး အ ပြန် ကျ မှ ပဲ သူ များ ယူ မ သွား လို့ ကံ ကောင်း ရင် ပြန် ရ ပေါ့ လို့ သ ဘော ထား ပြီး စိတ် မ ကောင်း စွာ နဲ့ ခ ရီး ဆက် ထွက် ခဲ့ ရ တယ် ။ လုပ် ငန်း တွေ ဆောင် ရွက် အ ပြီး အ ပြန် သူ အိပ် ခဲ့ တဲ့ ဇ ရပ် ကို ရောက် တော့ သူ့ ရဲ့ ပိုက် ဆံ တွေ ထည့် ထား တဲ့ အိပ် က နေ ရာ မ ပျက် ဒီ အ တိုင်း ပဲ ပြန် တွေ့ ရ တယ် ။

ဒီ ကိ စ္စ မှာ လည်း လူ မျိုး ခြာ ကုန် သည် ကြီး နဲ့ တစ် ဖွဲ့ တည်း အ တူ ခ ရီး သွား ခဲ့ တဲ့ မြန် မာ ကုန် သည် တွေ က စိုး ရိမ် မှု မ ရှိ ခဲ့ ကြ ပဲ လူ မျိုး ခြား ကုန် သည် ကြီး တစ် ဦး တည်း က စိုး ရိမ် သော က ရောက် ခဲ့ ရ တယ် ။

မြန် မာ ခ ရီး သွား တွေ က သူ့ တို့ ပ စ္စည်း မှ မ ဟုတ် လို့ မ ပူ တာ ထက် ငါ ဆို ရင် လည်း ငါ့ ဟာ မ ဟုတ် ပဲ သူ များ ဟာ ဘာ လို့ သွား ယူ ရ မှာ လဲ လို့ စိတ် ရှိ လို့ မ ပူ ပင် ကြ တာ ဖြစ် ပါ တယ် ။

လူ မျိုး ခြား ကုန် သည် ကြီး က တော့ ငါ သာ ဆို ယူ သွား ပြီ လို့ စိတ် ရှိ လို့ ပူ ပင် ခဲ့ ရ တာ ဖြစ် ပါ တယ် ။

ကိုယ် က ယုံ ကြည် ရ တဲ့ သူ တစ် ယောက် ဖြစ် ရင် သူ များ ကို လည်း ယုံ ကြည် မှု ပေး တတ် ပါ တယ် ။ ကိုယ် ကိုယ် တိုင် က လစ် ရင် လစ် သ လို လုပ် တတ် တဲ့ သူ ဆို ရင် တော့ ဘယ် သူ့ ကို မှ မ ယုံ ကြည် တတ် ကြ ဘူး ။

ရိုး သား တဲ့ လူ ဟာ ဆိတ် ကွယ် ရာ မှာ လည်း မ ဟုတ် တာ လုပ် ဖို့ ဝန် လေး တတ် ကြ တယ် ။ လက် ရှိ ကာ လ မှာ တော့ မ ကောင်း မှု ကို ဆိပ် ကွယ် ရာ မှာ တင် မ က ဘူး အ မျာ သူ ငါ အ ရှေ့ မှာ တောင် လုပ် ဖို့ ကို ဝန် မ လေး တတ် လာ ကြ တာ ကို တွေ့ လာ ရ ပါ တယ် ။

မ ကောင်း မှု ကို လုပ် ပါ များ လာ တော့ လုပ် တဲ့ သူ စိတ် ထဲ မှာ ထို မ ကောင်း မှု ကိ စ္စ ကို ပင် ကောင်း တယ် လို့ ထင် လာ တတ် ပါ တယ် ။ တစ် ခါ တစ် ရံ မ ကောင်း မှု ကို ပင် လုပ် ရ တာ မ လွှဲ မ ရှောင် သာ လို့ ပါ တို့ အ ခြေ အ နေ အ ရ တို့ ဆို ပြီး ဆင် ခြေ ပေး လာ ကြ တယ် ။

နောက် တစ် ဆင့် တက် ပြီး မ ကောင်း မှု လုပ် တာ ကို သူ့ ဖက် က အ ခြေ အ နေ အ ရ လုပ် ရ တာ ဖြစ် လို့ မှန် တယ် လို့ ယူ ဆ လာ တတ် တယ် ။ သူ နဲ့ သူ့ မိ သား စု ကောင်း ဖို့ အ တွက် လုပ် တာ ဖြစ် လို့ ကောင်း တယ် လို့ ဖြစ် လာ အောင် တ ရား ဝင် လာ အောင် ကျိုး စား တတ် ကြ ပြန် ပါ တယ် ။ ဒီ လို နဲ့ ပဲ မ ကောင်း မှု ကို အ များ သူ ငါ လိုက် လံ ကျင့် သုံး စေ ခြင်း ဖြင့် တ ရား ဝင် လို ဖြစ် လာ စေ ပါ တယ် ။

လူ ညီ ရင် ဤ ကို ကျွဲ ဖတ် မယ် ဆို တဲ့ လူ့ သ ဘာ ဝ အ တ်ိုင်း ကြာ လာ တော့ -

မ မှန် တာ က အ မှန် ဖြစ် လာ ပြီး မှန် တာ က မ မှန် တာ ဖြစ် သွား တတ် ကြ တယ် ။

မ ကောင်း တာ က ကောင်း တာ ဖြစ် လာ ပြီး ကောင်း တာ က မ ကောင်း တာ ဖြစ် သွား တတ် ကြ တယ် ။

မ တ ရား တာ က တ ရား တာ ဖြစ် လာ ပြီး တ ရား တာ က မ တ ရား ဖြစ် သွား တတ် ကြ တယ် ။

အ ဓ မ္မ က ဓ မ္မ ဖြစ် ပြီး ဓ မ္မ က အ ဓ မ္မ ဖြစ် သွား တတ် ကြ တယ် ။

မီး များ မီး နိုင် ရေ များ ရေ နိုင် ဆို သ လို မ ကောင်း မှု ကြီး စိုး သွား ရင် လော က ကြီး ပျက် စီး သွား ပါ လိမ့် မယ် ။ ပုံ မှန် အ နေ အ ထား ကို ပြန် ရ ဖို့ အ ကြာ ကြီး ပြန် ကျိုး စား ရ တတ် ပါ တယ် ။

မြန် မာ နိုင် ငံ လက် နက် ကိုင် တိုင်း ရင်း သား အ ဖွဲ့ တွေ ၊ နိုင် ငံ ရေး သ မား တွေ မှာ လည်း အ လား တူ ကိ စ္စ မျိုး တွေ့ ဖူး ကြ ပါ လိမ့် မယ် ။

တစ် ဦး တစ် ယောက် ၊ အ ဖွဲ့ တစ် ခု ခု က နေ ယုံ ကြည် မှု ပေး ရ မယ့် ကိ စ္စ မျိုး တွေ မှာ လက် တွန့် နေ တတ် ကြ တယ် ။ ဖြတ် သန်း လာ တဲ့ တစ် လျှောက် ရိုး သား မှု နည်း ခဲ့ တာ ကို ကြုံ ခဲ့ ဖူး ကြ လို့ ယုံ ကြည် မှု ပြန် တည် ဆောက် ရ တာ ခက် ခဲ နေ ကြ တာ ကို လည်း တွေ့ ရ နိုင် ပါ တယ် ။

ကိုယ် တိုင် မ ရိုး သား ခဲ့ တဲ့ သူ က ပို ပြီး သူ များ ကို မ ယုံ တတ် ကြ သ လို ၊ မ ရိုး သား မှု ကို ခံ ခဲ့ ရ တဲ့ သူ က လည်း နောက် တစ် ခါ ခံ ရ မှာ ကို ကြောက် နေ တတ် ကြ ပါ တယ် ။

လူ တိုင်း က ကိုယ့် ကို ယုံ ကြည် စေ ချင် ကြ တယ် ။

ကိုယ့် ကို ယုံ ကြည် စေ ချင် ရင် သူ့ ကို ယုံ ကြည် မှု စ ပေး ကြည့် လိုက် ပါ ။

ကျွန် တော် တို့ တွေ လိပ် အ ငယ် လေး လို လူ တွေ ကို တွေ့ ဖူး ကြ ပါ လိမ့် မယ် ။

Credit to Original

ဘီလူးစီးခြင်း (Sleep Paralysis)

ဘီလူးစီးခြင်း (Sleep Paralysis)

ဘီလူးစီးတယ်ဆိုတာကိုယ်တိုင်မကြုံဖူးရင်တောင် လူတိုင်းကြားတော့ကြားဖူးလိမ့်မယ်ထင်ပါတယ်။ လူကနိုးနေရက်နဲ့ ခြေတွေလက်တွေလှုပ်မရ၊ အော်မရပါစ်မရနဲ့ အတော်ကြီးကိုစိတ်ဒုက္ခရောက်ရတဲ့အချိန်ပါ။ အင်္ဂလိပ်လို Sleep Paralysis လို့ခေါ်ပြီးမြန်မာလိုဘီလူးစီးတယ်လို့ခေါ်တဲ့အခြေအနေတစ်ရပ်ကို တစ်ခါလောက်ကြုံဖူးသွားတာနဲ့ နောက်ထပ်ကြုံဖို့လန့်သွားလောက်တဲ့ အတွေ့အကြုံတစ်ရပ်ပါ။ Sleep Paralysis ကိုနှစ်မျိုးခွဲခြားနိုင်ပါတယ်။ Isolated Sleep Paralysis (ISP) နဲ့ Recurrent Isolated Sleep Paralysis (RISP) ဆိုပြီးတော့ပါ။ အလွယ်ပြောရရင် ISP ဆိုတာကလူတိုင်းဖြစ်နိုင်ပေမယ့် RISP ဆိုတာကတော့ အိပ်စက်ခြင်းနဲ့သက်ဆိုင်တဲ့မူမမှန်တဲ့ရောဂါတစ်မျိုးမျိုးရှိနေသူတွေမှာသာ ပိုဖြစ်တတ်ပါတယ်။ ISP ကလူတစ်ယောက်တစ်သက်မှာ တစ်ခါလောက်ပဲကြုံတတ်ပါတယ်။ RISP ကတော့ခဏခဏပြန်ဖြစ်နေတာပါ။ မြန်မာလိုပြောရရင်တော့ ဘီလူးစီးတယ်ဆိုတာက သာမန်လူမှာဆိုရင် တစ်သက်မှာတစ်ခါလောက်ပဲကြုံတွေ့နိုင်ပေမယ့် အိပ်စက်ခြင်းနဲ့သက်ဆိုင်တဲ့ရောဂါရှိသူတွေမှာဆိုရင် ခဏခဏဖြစ်နိုင်ပါတယ်။ တစ်ညတည်းကိုပဲ နှစ်ခါ သုံးခါပြန်ဖြစ်နိုင်ချေရှိပါတယ်။ ဘီလူးစီးတာဘာဖြစ်လို့ဖြစ်ရတာလဲဆိုတာကို ဖြေရှင်းဖို့ကတော့ အတော်လက်ဝင်ပါတယ်။ ဒါပေမယ့်လည်း ဘာကြောင့်လည်းဆိုတဲ့ အဖြေအတိအကျတော့မရှိဘဲ သီအိုရီသဘောတရားအရပဲရှိပါသေးတယ်။ လူတစ်ယောက်ရဲ့အိပ်စက်ခြင်းကို REM (rapid eye movement) နဲ့ NREM (non-rapid eye movement) ဆိုပြီးတော့အဆင့်ခွဲပါတယ်။ အဲဒီတစ်ဆင့်ခြင်းဆီမှာကိုပဲ သူနဲ့သက်ဆိုင်တဲ့ဦးနှောက်ရဲ့တုန့်ပြန်မှုတွေ၊ ခန္ဒါကိုယ်ရဲ့တုန့်ပြန်မှုတွေရှိပါတယ်။ တစ်ညတာအိပ်စက်တဲ့အခါမှာ ဒီ NREM နဲ့ REM အဆင့်တွေအလှည့်ကျဖြစ်ပေါ်အောင် ဦးနှောက်ကထိန်းချုပ်ထားရပါတယ်။ အလွယ်ပြောရရင်တော့ NREM ဆိုတာက အိပ်တစ်ဝက်နိုးတစ်ဝက်အခြေအနဖြေစ်ပြီး REM ကတော့လုံးဝအိပ်ပျော်သွားတဲ့အခြေအနေတစ်ရပ်ဖြစ်ပါတယ်။ REM အချိန်မှာလူတွေပါ အိပ်မက်မက်ကြပါတယ်။ အိပ်မက်ထဲမှာဆိုပေမယ့်လည်း ကိုယ့်စိတ်ထဲမှာတော့ တကယ်ထင်နေတာပါပဲ။ အဲဒီတော့အိပ်မက်ထဲမှာ လက်သီးထိုးနေရင် အပြင်မှာလည်း လိုက်ထိုးနေဖို့ရှိပါတယ်။ အိပ်မက်ထဲမှာဘောလုံးကန်နေရင် အပြင်မှာလည်း လိုက်ကန်နေမိပါလိမ့်မယ်။ အဲဒီတော့အဲလိုမျိုး အိပ်မက်ထဲမှာ လုပ်တဲ့အတိုင်းအပြင်မှာလျှောက်မဖြစ်နေအောင် ဦးနှောက်က REM အဆင့် လူတွေအိပ်မက်မက်ပြီဆိုရင် အိပ်မက်ထဲကအတိုင်းအပြင်မှာလိုက်မလုပ်နိုင်အောင် လူထိန်းချုပ်လို့ရတဲ့ ကြွက်သားတွေကို လုံးဝမလှုပ်တော့အောင် လှမ်းပိတ်ထားလိုက်ပါတယ်။ ပြီးတော့မှနိုးတော့မယ်ဆိုမှ REM အဆင့်ကနေ NREM ဖြစ်၊ ဦးနှောက်ကထိန်းချုပ်ထားတာတွေကို ပြန်လျှော့ပြီး ပြန်လှုပ်ရှားလို့ရအောင်လုပ်ပါတယ်။ ဦးနှောက်က REM အဆင့်မှာထိန်းချုပ်တဲ့နေရာမှာ လူကိုယ်တိုင်ထိန်းနိုင်တဲ့ကြွက်သားတွေကိုသာ သေအောင်လုပ်ထားပါတယ်။ အဲဒါကြောင့် ဘီလူးစီးတဲ့အချိန်မှာ မအော်နိုင်မပါစ်နိုင်၊ မလှုပ်ရှားနိုင်ပေမယ့် အသက်ရှူတာလိုမျိုး အရေးကြီးတဲ့ကြွက်သားတွေကတော့ ပုံမှန်အလုပ်ဆက်လုပ်ပါတယ်။ အဲလိုဘီလူးစီးတယ်ဆိုတဲ့အခြေအနဖြေစ်ပေါ်ရတာကတော့ ခုနကပြောထားတဲ့ REM အဆင့်ကနေမလျော့ဘဲ ဦးနှောက်ကထိန်းချုပ်ထားတာတွေ မလျှော့ဘဲအလုပ်လုပ်ပုံမှားယွင်းတာကြောင့် နိုးသွားပြီးလူရဲ့သိစိတ်ပြန်ဝင်လာတာဖြစ်ပါတယ်။ ဒါပေမယ့်လည်း ဦးနှောက်ကအိပ်နေတယ်လို့ပဲဆက်သတ်မှတ်ထားပြီး REM အဆင့်မှာပဲဆက်ထားတဲ့အခါမှာ အခုလိုမျိုး လှုပ်မရ၊ အော်မရ ဖြစ်လာပါတယ်။ အိပ်မက်မက်နေသလို၊ တကယ်ဖြစ်နေသလိုခံစားရပါတယ်။ နိုးလာစေချင်ပေမယ့်လည်း မနိုးနိုင်ဖြစ်ခါ အတော်ကြီးကိုစိတ်ဒုက္ခရောက်ရပါတယ်။ အခြားအပြင်ဘက်က အထိအတွေ့ တစ်ခုခုကြောင့်နဲ့ ဦးနှောက်ကပြန်ပြီး ပုံမှန်ပြန်လုပ်သွားတဲ့အခါကျမှ ပြန်လှုပ်လို့ရသွားပါတယ်။ ဆိုလိုချင်တာက အပြင်ကလူတစ်ယောက်ယောက်မနှိုးမခြင်း၊ REM အဆင့်မကုန်သွားမခြင်း လှုပ်လို့မရသေးပါဘူး။ နောက်တစ်ချက်ကတော့ ဘီလူးစီးတဲ့အချိန်မှာ လူတွေပါအိပ်မက်လိုဖြစ်နေပေမယ့်တကယ့်ကို ကြောက်မက်ဖွယ်ကောင်းတဲ့ စိတ်ခြောက်ခြားစရာဖြစ်တဲ့ အန္တရာယ်တစ်ခုခုနဲ့ကြုံတွေ့နေရတယ်လို့ စိတ်ထဲမှာခံစားမိနေပါတယ်။ အဲဒါကလည်း သိစိတ်ရှိနေတဲ့ REM အဆင့်ရဲ့နောက်ဆက်တွဲအနေနဲ့ ဦးနှောက်ဘာသာပြန်တာ လွန်ကဲပြီးဒီအခြေအနေပါ အသက်အန္တရာယ်ထိရှိလာနိုင်တယ် အရမ်းကြောက်ဖို့ကောင်းတယ်လို့ နောက်ဆက်တွဲဘာသာပြန်ပါတယ်။ အဲဒါကြောင့် ဘီလူးစီးခံရတဲ့လူတွေပါ အဲလိုလှုပ်လို့မရတဲ့အခြေအနေတစ်ရပ်မှာ အင်မတန်ကိုကြောက်စရာကောင်းတဲ့ အတွေ့အကြုံခံစားခဲ့ရတယ်လို့ထင်ပြီး နိုးလာရင်တောင်ကြောက်စိတ်မပြယ်ဖြစ်နေတတ်ပါတယ်။ ဒီလိုဦးနှောက်ကဘာသာပြန်မှားယွင်းတာပါ ဦးနှောက်ကိုအောက်ဆီဂျင်သိပ်မရောက်တဲ့အခြေအနေတွေ ဥပမာ လေဝင်လေထွက်မကောင်းတာမျိုး၊ ကာဘွန်ဒိုင်အောက်ဆိုက်ဒ် အရမ်းများနေတဲ့အခန်းထဲမှာအိပ်တာမျိုးဆိုရင် ပိုဖြစ်တတ်ပါတယ်။ တစ်ခါတလေမှာ အဲဒါကအလွန်ပြင်းထန်သွားတတ်ပြီး အိပ်တစ်ဝက်နိုးတစ်ဝက်ဖြစ်ကာ အိပ်မက်လို့သိနေပေမယ့်လည်း အသက်ရှူကြပ်တဲ့အထိ၊ အသက်ရှူလို့မရတဲ့အခြေအနေထိဖြစ်လာပါတယ်(ကျနော်တစ်ခါဖြစ်ဖူးပါတယ် အိပ်မက်မက်ရင်း အသက်ရှူကြပ်လာတာ။ တော်သေးတယ် မသေသွားလို့။) ဘီလူးစီးခြင်း (Sleep paralysis)ပါအသက်အန္တရာယ်ဖြစ်လောက်အောင်ဒုက္ခမပေးနိုင်ပေမယ့် ခံစားခဲ့ရတဲ့သူအတွက်တော့ တစ်သက်တာမမေ့နိုင်အောင် ကြောက်မက်ဖွယ်ကောင်းခဲ့ပါတယ်။ ဘီလူးစီးတာပါ အိပ်မပျော်တဲ့သူတွေ၊ အိပ်ချိန်မမှန်တဲ့သူတွေ၊ ပက်လက်အိပ်တတ်သူတွေ၊ ဖိအားများလွန်းတဲ့သူတွေ၊ အရမ်းကိုပင်ပန်းနွမ်းနယ်နေတဲ့သူတွေ၊ ဆေးသုံးတဲ့သူတွေမှာ ပိုဖြစ်ပါတယ်။ ဒီနေရာမှာတော့ မြန်မာတွေအရင်တည်းကယူဆလာတဲ့အချက်က အတော်မှန်နေတာတွေ့ရပါတယ်။ ငယ်ငယ်တုန်းက ဘီလူးစီးခံရတယ်ပြောရင် လူကြီးတွေက ပက်လက်မအိပ်နဲ့လို့ ပြောခဲ့တာက အခုသိပ္ပံနည်းကျရှင်းတဲ့အခါမှာလည်း အင်မတန်မှန်နေပါတယ်။ ပက်လက်အိပ်တဲ့အခါမှာ ခန္ဒါကိုယ်အနေအထားကြောင့် လျှာဒါမှမပါုတ်အာခေါင်ပျော့တို့ရဲ့ဖိအားကြောင့် အသက်ရှူလမ်းကြောင်းပိတ်ပြီး လေသိပ်မဝင်တော့တဲ့အခါ ဘီလူးစီးတာဖြစ်ပေါ်လာနိုင်တယ်လို့ဆိုပါတယ်။ ပုံမှန်အိပ်တာ၊ လေဝင်လေထွက်ကောင်းအောင်လုပ်တာနဲ့ အိပ်ရာကုတင်သန့်သန့်ရှင်းရှင်းနဲ့ လူလည်းသန့်သန့်ရှင်းရှင်းအိပ်မယ်ဆိုရင် Sleep Paralysis ကိုကာကွယ်နိုင်ပါတယ်။

ကိုးကား
ဒေါက်တာသူရိန်လှိုင်ဝင်း
(လူတိုင်းသိသင့်သော ဆေးပညာ)